“Kosova s’i meriton vizat”, Daçiç: Nuk përmbushën marrëveshjen

Serbia nuk e sheh si zhvillim pozitiv liberalizimin e vizave për qytetarët e Kosovës.

Ministri i Jashtëm i Serbisë, Ivica Daçiç e cilëson vendimin e Parlamentit Europian si një vlerësim të pamerituar për qeverinë në Prishtinë.

Sipas tij, para se të merret vendimi për liberalizimin e vizave, komuniteti ndërkombëtar duhet të shohë nëse Kosova ka respektuar marrëveshjet që janë nënshkruar në Bruksel mes Beogradit dhe Prishtinës.

“Ajo që po ndodh sot është sikur po përjetojmë një amnezi koleketive. Parlamenti Europian miratoi liberalizimin e vizave, pavarësisht faktit se Kosova nuk ka përmbushur asnjë detyrim në Bruksel, për marrëveshjet e firmosura”, tha Daçiç.

Kreu i diplomacisë serbe, tha për mediat në Beograd, se në parim nuk është kundër liberalizimit të vizave, por çdo shpërblim për Kosovën duhet bërë në merita. Sipas tij, qeveria e Albin Kurtit nuk e meritonte këtë vendim pozitiv nga Brukseli.

Daçiç ka shpjeguar dhe mënyrën sesi do të funksionojë asociacioni i komunave serbe në Kosovës. Ai tha se kemi të bëjmë me  një vetëorganizim autentik, që do të japë më shumë të drejta për ata. Sipas Daçiç, deri më sot ka pasur vetëm institucione serbe në veri të Kosovës, por pa mundësi vetorganizimi dhe pa vendimmarrje të pavarur.

LEXONI GJITHASHTU:

• Trafikonin mjete të vjedhura nga Kosova, SPAK jep pretencën për grupin kriminal
• Kurti pas liberalizimit të vizave: Lajm i mirë për Kosovën, një hap më pranë BE-së