Kosovë: Grupi parlamentar i komuniteteve mbështet formimin e institucioneve të reja

Ministri në detyrë i Administrimit të Pushtetit Lokal, Elbert Krasniqi, ka bërë të ditur se grupi parlamentar i komuniteteve, të cilit ai i përket, do të mbështesë formimin e institucioneve të reja, duke përfshirë mundësinë e krijimit të qeverisë së tretë të drejtuar nga Albin Kurti.

Krasniqi theksoi se ky grup mbështet qeverinë Kurti, duke u mbështetur në rezultatin zgjedhor të Lëvizjes Vetëvendosje, e cila, sipas tij, përfaqëson shumicën shqiptare në Kuvend.

Krasniqi shpjegoi se grupi parlamentar i komuniteteve, që përfshin deputetë të komunitetit shqiptar dhe dy deputetë nga partia turke KDTP, është në mbështetje të qeverisë Kurti. Ai theksoi se Lëvizja Vetëvendosje ka fituar shumicën e votave nga shqiptarët, duke nënvizuar se kjo shumicë është mbi 42%, që është thuajse aq sa të gjithë të tjerët bashkë. “Ne jemi për votimin e kryetarit të Kuvendit edhe të qeverisë”, shtoi Krasniqi.

Ndërkaq, zëvendëskryeministrja në detyrë, Emilja Rexhepi, shprehu se e di kush është kandidati për kryetar të Kuvendit, por theksoi se kjo duhet të bëhet publike nga vetë kryeministri. Ajo theksoi se shpreson që qeveria e tretë e Kurtit të votohet sa më shpejt, duke theksuar se kjo është një procedurë që duhet të ndodhë me transparencë dhe publikim nga kryeministri.

“Ne e dimë se kush është kandidati për kryetar të Kuvendit, por këtë kryeministri duhet ta thotë. Jo mua asnjë nuk më ka ftuar”, tha Rexhepi, duke lënë të kuptohet se detajet mbi procedurën e ardhshme do të bëhen të njohura nga Albin Kurtin.

LEXONI GJITHASHTU:

• Trump: Telefonat dhe pajisjet elektronike nga Kina nuk do përjashtohen nga tarifat
• Kush është punonjësi i ushtrisë që s’iu bind policisë dhe mori përpara efektivin