Ditën e nesërme, Komisioneri Shtetëror i Zgjedhjeve do të zhvillojë një seancë publike për të shqyrtuar zëvendësimin e mandatit të lënë nga Jurgis Çyrbja i Partisë Socialiste.

Vendin e tij pritet ta zërë Erjon Meka, i cili ka qenë në listat e PS për zgjedhjet e 2021.

Në njoftimin e KQZ-së, thuhet:

“Komisioneri Shtetëror i Zgjedhjeve zhvillon seancë publike ditën e Premte, datë 18.10.2024 në orën 13:00.

Çështje për shqyrtim rishtas:Projektvendim “Për dhënien e mandatit të deputetit të Kuvendit të Republikës së Shqipërisë, kandidatit të listës shumemërore të Partisë Socialiste të Shqipërisë, Qarku Durrës, z. Erjon Shërbet Meka.”

Çyrbja vendosi të dorëzojë mandatin vetëm disa ditë pasi u paraqit në Prokurorinë e Posaçme, megjithatë, ai thekson se kjo nuk ka lidhje me vendimin e tij.

Ai ka deklaruar se nuk ka asnjë shqetësim të natyrës ligjore, por ka nevojë të kujdeset për shëndetin e tij.