Kremlini i përgjigjet zërave se Putin është i sëmurë

Vladimir Putin nuk ka asnjë problem shëndetësor, tha ministri i jashtëm rus Sergei Lavrov në përgjigje të zërave për sëmundjen e liderit rus, raporton Sky News.

“Presidenti Putin shfaqet çdo ditë në publik. Mund ta shihni në ekranet televizive, të lexoni fjalimet e tij, të dëgjoni fjalimet e tij”, i tha ministri i Jashtëm TV francez TF1.

“Unë nuk mendoj se ka ndonjë person të arsyeshëm që mund të shohë tek ky person shenja të ndonjë lloj sëmundjeje. Këtë e lë në ndërgjegjen e atyre që përhapin thashetheme të tilla, pavarësisht mundësive të përditshme për të siguruar se si duket kush në këtë botë”, shtoi Lavrov.

Spekulimet rreth shëndetit të Putinit kanë qarkulluar për disa vite, por janë intensifikuar që kur ai urdhëroi pushtimin e Ukrainës.

Në fillim të këtij muaji, revista New Lines raportoi se kishte marrë një regjistrim audio të një oligarku pranë Kremlinit, i cili e përshkroi presidentin rus si “shumë të sëmurë me kancer në gjak”, megjithëse lloji i kancerit të gjakut nuk ishte specifikuar.

Ai tha se një “memo top-sekret” u dërgua nga selia e FSB, agjencia ruse e sigurisë së brendshme, për të gjithë drejtorët e saj rajonalë.

LEXONI GJITHASHTU:

• SHBA refuzon thirrjen e Putinit për heqje të sanksioneve në këmbim të ushqimeve
• Putin: Rusia gati të zhbllokojë grurin nëse Perëndimi heq sanksionet