Kush është deputeti që “tradhton” Bashën, i bashkohet protestës së Berishës

Gazetari i Euronews Albania, Ardit Hoxha, ka deklaruar se deputeti Kreshnik Çollaku i është bashkuar protestës së Partisë Demokratike në bulevardin “Dëshmorët e Kombit”.

Vendimi i ish-deputetit që mbështeste Lulzim Bashën për t’iu bashkuar protestës së Partisë Demokratike zyrtare, duket se është sinjali i parë i bashkimit me grupin e Berishës.

Pjesë e protestës është edhe deputetja Jorida Tabaku, e cila ka mbajtur një qëndrim neutral gjatë përplasjes së grupimeve në PD.

“Deputeti Kreshnik Çollaku, deputet që deri para pak javësh ka qenë në krahë të zotit Basha madje edhe në pozicionin e Nënkryetarit të Partisë Demokratike zyrtare, më ka konfirmuar se do të jetë i pranishëm në protestën e ditës së sotme duke dhënë sinjalin e parë për bashkimin e grupit të zotit Berisha,” tha gazetari.