Kreu i FSB ruse: Autorët e sulmit në Moskë do përshëndeteshin si heronj në Ukrainë

Historia, e publikuar fillimisht nga agjencia shtetërore e lajmeve TASS, tha se Bortnikov thotë se shërbimet perëndimore dhe ukrainase ndihmuan radikalët islamikë për të orkestruar sulmin në sallën e koncerteve në Moskë.

Sipas mediave të huaja, kreu i agjencisë së sigurisë ruse, FSB, Alexander Bortnikov, është shprehur se autorët e sulmit në sallën e koncerteve në Moskë, do të priteshin si heronj në Ukrainë.

“Është e mundur – unë mendoj se po”, tha ai në Moskë.

“Sidoqoftë ne tani po flasim për faktet që i kemi, këto janë informacione të përgjithshme, por ka zhvillime të caktuara”, shtoi ai.

Bortnikov pretendoi se Ukraina është përpjekur të provojë aftësitë e saj, raportoi TASS.

“Çfarë pritet të bëjë për të demonstruar aftësinë e saj?”

“Pritet të kryhen akte sabotuese dhe terroriste në pjesën e pasme”, tha ai më tej.

“Kjo është ajo që po synojnë shefat e shërbimeve speciale të Ukrainës dhe shërbimet speciale britanike”.

“Shërbimet speciale të SHBA-së e kanë përmendur vazhdimisht këtë gjithashtu,” tha ai.

Bortnikov tha se kishte një sasi të madhe informacioni në hapësirën publike “që tregon se Perëndimi dhe Ukraina janë gati të shkaktojnë dëm më të madh në vendin tonë”.

“Ka pasur sulme me dron, sulme nga varka pa ekuipazh në det dhe inkursione të grupeve të diversantëve dhe organizatave terroriste në territorin tonë”.

Ai përsëriti pretendimin e Vladimir Putin se sulmuesit kishin planifikuar të arratiseshin përtej kufirit ukrainas, diçka që Kievi e ka mohuar.

“Ata do të përshëndeten si heronj në anën tjetër,” tha zoti Bortnikov, sipas raportit.

LEXONI GJITHASHTU:

• Kush janë IS-K dhe pse sulmuan sallën e koncerteve në Moskë?
• Autoritetet në Taxhikistan ndalojnë familjarët e të dyshuarve për sulmin në Moskë