Astrit Hado, kreu i Institutit të Sigurimeve Shoqërore tha se pensioni për fëmijët jetim varion dhe bazohet te vitet e sigurimeve që ka prindi që ka vdekur.
“Çdo jetim merr 25 për qind të pensionit që merrte ose që i takonte të merrte të ndjerit,” – tregoi Hado.
Ai pranoi se pensionet e quajtura “familjare” janë shumë të ulëta. Nga kjo situatë, Hado bëri thirrje që të gjithë qytetarët të punojnë brenda rregullave dhe të paguajnë kontributet shoqërore.
Sa i takon rastit të prezantuar nga Euronews Albania të një nëne e cila merrte 1 mijë lekë për dy fëmijët e saj jetim, njëri me çrregullime të spektrit autik, kreu i ISSH-së tha se duhet t’i drejtohet Shërbimit Social Shtetëror duke qenë se pensioni që jep institucioni që ai drejton është në varësi të kontributeve.
Sidoqoftë, Hado theksoi se dhe në gjykimin e tij duhet të rishikohet kufiri minimal.
LEXONI GJITHASHTU:
