Kreu i KASH: Shqipëria 4 herë më shumë import sesa prodhim

Kreu i Këshillit të Agrobiznesit Shqiptar, Agim Rrapaj tha për Euronews Albania se raporti mes importit dhe prodhimit duhet të ndryshojë.

Sipas tij Shqipëria importon shumë produkte dhe lëndë të para dhe kjo bën që në një farë mase vendi ynë të varet nga tregu ndërkombëtar. Ndërkohë që sa i takon prodhimit, nuk është në potencialin e duhur.

“Nëse sot ne importojmë produkte ushqimore me një vlerë 4 herë më shumë sesa produktet e vendit tregon që ne kemi një treg të gatshëm për profuktet ushqimore vendase dhe ky treg është elementi i parë i rëndësishëm për të rritur prodhimin, por këtë nuk po e bëjmë siç duhet,” – u shpreh Rrapaj.

Një nga shqetësimet kryesore që ngriti kreu i KASH ishte dhe sipërfaqet e mëdha të djerra. Sipas tij duhet të ketë një orientim në mënyrë që të mbillet çfarë kërkon tregu.

Rrapaj shtoi se kriza energjitike do të ketë ndikim dhe te agrobiznesi duke nisur nga financat, kostoja e prodhimit e deri te importi.

LEXONI GJITHASHTU: 

• Bujqësia në risk falimenti, agrobiznesi kërkon kreditim dhe subvencionim për grupet e rrezikuara
• Rreziku i bujqësisë nga COVID-19, ministri Bledi Çuçi mbledh shoqatat e agrobiznesit