Kreu i PD Shkodër: I kërkova Alibeajt të nxjerrë kandidat për Shkodrën

Kryetari i Partisë Demokratike në Shkodër, Xhevdet Amulli tregoi në një intervistë për Euronews Albania se i kishte kërkuar Enkelejd Alibeajt të nxirrte një kandidat për Shkodrën.

“Unë kam kërkuar deri në ditën e fundit dhe kam dashur kandidat për Partinë Demokratike në qytetin e Shkodrës. Kemi zhvilluar mbledhje në Tiranë, dy ditë para, para se të mbyllej afati i regjistrimit të subjekteve politike dhe i anëtarëve për kandidat për kryetar bashkie. Deri në ditën e fundit ne kemi pritur kandidatë ose bashkëpunimin e kandidatëve,” – u shpreh Amulli.

Për një situatë të tillë Amulli ka kritikuar drejtpërdrejt Sali Berishën dhe Partinë e Lirisë.

LEXONI GJITHASHTU:

• Kryetari i PD në Shkodër: Berisha nuk e ka dashur zbardhjen e “2 prillit”
• “Rama ndërhyri dhe mbylli gjyqin e Bashës”, deputeti i PD: Mes tyre ka marrëveshje