“Rama ndërhyri dhe mbylli gjyqin e Bashës”, deputeti i PD: Mes tyre ka marrëveshje

Deputeti demokrat Luan Baçi tha në Euronews Albania se kryeministri Rama ka ndërhyrë për të mbyllur çështjen gjyqësore për Lulzim Bashën.

Sipas tij mes ish-kreut të PD dhe kryeministrit Edi Rama ekziston një marrëveshje e heshtur

“Nëse Rama do ishte i  interesuar për të zbardhur këto të vërteta nuk do ndërhynte në gjyqësor për të mbyllur dosjen dhe çështjen gjyqësore të  zotit Basha për dollarët që ka sponsorizuar dhe ka lobuar në Shtetet  e Bashkuara të Amerikës.

Atëherë nëse i adresohet Bashës të mos kishte ndërhyrë që t’i mbyllte gjyqin Bashës, por të kishte lënë që të dilte e vërteta në shesh. Parë në këtë këndvështrim Rama është personi i fundit i interesuar për të zbardhur këto të vërteta, thjesht bën lojë.

Jo pa qëllim ai nuk përmend emra por flet me motra dhe vëllezër, me nënkuptime, për të thënë që nuk ju jam drejtuar juve, por disa të tjerëve. Ndoshta ka edhe përgjegjësi dhe detyrime te zoti Basha, se ata janë në një marrëveshje të heshtur mes tyre”,-tha Luan Baçi.

LEXONI GJITHASHTU:

• Patinat elektrike rrezik në rrugë, gjobë për drejtuesit që shkelin rregullat
• Shkarkohet trajneri Potter, drejtuesit e Chelsea të pakënaqur me trajnerin
• Babai i Granit Xhakës në protestë në Hagë për lirinë e Hashim Thaçit