Kreu i ri i SPAK, Adnan Xholi shpalos platformën, të pranishëm përfaqësues të SHBA

Kreu i ri i Strukturës së Posaçme Kundër Korrupsionit dhe Krimit të Organizuar do të zgjidhet mes tre prokurorëve, Adnan Xholi, Altin Dumani dhe Edvin Kondili.

Rreth orës 10:00 mbërriti në KLP kandidati i parë që do shpalosë platformën për kreun e SPAK, Adnan Xholi.

Në KLP kanë mbërritur edhe përfaqësues të ambasadës amerikane.

11 anëtarët e KLP-së, që do të votojnë për zgjedhjen e kreut të SPAK, janë Alfred Balla, Tartar Bazaj, Arta Mandro, Bujar Sheshi, Eloida Goxhi, Esmeralda Cami, Ledina Riza, Mirela Bogdani, Nurihan Seiti, Sokol Stojani dhe Zeqir Hoda.

KLP-ja, në zgjedhjen e kreut të SPAK, do të vlerësojë 7 kritere që janë: eksperienca në ndjekjen e dosjeve sensitive të korrupsionit dhe krimit të organizuar, eksperiencën dhe aftësitë në organizimin dhe drejtimin e një strukture, eksperiencën në hartimin e miratimin e rregulloreve administrative, eksperiencën në çështje të cilat kanë marrë vëmendje të lartë publike dhe ndërveprim me median, aftësitë në drejtimin e burimeve njerëzore, vizionin për drejtimin e SPAK si dhe imazhin që ka në publik si prokuror.

LEXONI GJITHASHTU:

• “Kam hetuar masakrat e 97”, Adnan Xholi zbulon detaje nga operacionet
• Adnan Xholi: Duhen hetime konkrete, të luftojmë krimin e organizuar dhe korrupsionin