“Kam hetuar masakrat e 97”, Adnan Xholi zbulon detaje nga operacionet

Kandidati për kreun e ri të SPAK, Adnan Xholi ka paraqitur sot para Këshillit të Lartë të Prokurorisë platformën e tij.

Ai u shpreh se ka aftësitë e duhura dhe eksperiencën e nevojshme për të drejtuar një nga institucionet më të rëndësishme.

“Mbi gjysmën e karrierës kam qenë në pozicione të ndryshme hetuese. Kam bërë të pamundurën që të bashkëpunoj mirë me stafin dhe me institucione vendase e ndërkombëtare. E thashë edhe në fjalën hyrëse: kam mbajtur peshën kryesore për shkak të edukimit, duhet të isha unë drejtuesi që të përballesha me kriminelët. Kam dhënë mbi 44 akte, ku unë kam qenë vetë hartuesi dhe miratuesi pranë strukturave të ndryshme të Prokurorisë Shqiptare, në lidhje me çështjet me interes të lartë publik. Kam marrë pjesë në ngjarjet më të rënda kriminale që kanë ndodhur pas ’97,” – tha Xholi.

Ai shtoi se kanë qenë dy drejtorë të FBI-së që kanë dhënë vlerësime maksimale në luftën që Xholi ka bërë kundër krimit të organizuar.

LEXONI GJITHASHTU:

• Adnan Xholi: Duhen hetime konkrete, të luftojmë krimin e organizuar dhe korrupsionin
• Kreu i ri i SPAK, Adnan Xholi shpalos platformën, të pranishëm përfaqësues të SHBA