Kreu i shoqatës së turizmit ngre alarmin: Mungojnë kapacitetet akomoduese

Kryetari i shoqatës shqiptare të turizmit, Zak Topuzi tha se në Shqipëri mungojnë kapacitetet akomoduese për turistët.

I ftuar në Euronews Albania ai tha se vendi ynë ka nevojë për më shumë politika të zhvillimit turistik dhe se duhet zgjatur sezoni turistik të paktën deri në 8 muaj.

“Shqipërisë i mungojnë kapacitetet akomoduese, duke pasur parasysh tregun rajonal. Ne kemi mungesë shtretërisht, kemi problem turizmin sezonal, pra gati 65% e turistëve vijnë në 5 muaj. Kjo e bën të vështirë zhvillimin e një turizmi të qendruëshëm dhe po ashtu krijimin e një stafi të kualifikuar.

Ka nevojë për politika për menaxhimin më të mirë të produkteve turisike, për të zgjatur sezonin turistik deri në 8 muaj. Po të shikojmë tani ata që vijnë për turizëm janë moshat e treta dhe ata që nuk kanë kohë të lirë e mund të pushojnë jashtë sezonit pik”,-tha Zak Topuzi.

LEXONI GJITHASHTU:

• Shqipëria, gati për çeljen e sezonit turistik
• Agjencia e OKB-së paralajmëron se konflikti në Sudan mund të sjellë krizë rajonale