Shqipëria, gati për çeljen e sezonit turistik

Shqipëria është gati për çeljen zyrtare të sezonit turistik. Ndryshe nga tre vitet e fundit, ku për shkak të pandemisë së COVID-19, pasoja që solli ajo më pas dhe fillimi i luftës Rusi-Ukrainë, viti 2023 duket ndoshta më optimisti dhe premtuesi deri më tani ku ne 4 muajt e pare të këtij viti është rritur ndjeshëm fluksi i turisteve te huaj.

Rritja e temperaturave ka bërë që turistet të vërshojnë nga bregdeti i Velipojës dhe deri ne Sarandë, teksa ka kërkesë te larte edhe për turizmin malor.

Shifrat zyrtare të lëvizjes së shtetasve tregojnë se hyrjet e të huajve u rritën me 62% vetëm në muajin mars në raport me të njëjtën periudhë të një viti më parë, shkurti shënoi gjithashtu rritje dyshifrore.

Këto shifra mbështeten nga operatorët turistikë, të cilët nënvizojnë se është rritur numri i grupeve që zgjedhin vendin tonë për turet kulturore por që kanë rritur rezervimet e tyre edhe tek turizmi i rërës dhe detit.

LEXONI GJITHASHTU:

• “Ndëshkoni me votë ata që vjedhin”, Këlliçi prezanton para PDK planet për Tiranën
• 234 vite nga betimi i presidentit të parë të SHBA-së