Kreu i SPAK Altin Dumani, raportoi këtë të premte përpara Komisionit të Ligjeve, për punën e kryer gjatë vitit 2022.
Ndër të tjera ai tha para komisionit se çdo prokuror është i pavarur në ushtrimin e funksioneve të tij kushtetuese dhe ligjore duke pohuar se asnjëherë deri më tani ai nuk e ka ndier gjatë ushtrimit të detyrës së tij presionin nga politika.
“Ju garantoj se çdo prokuror në atë prokurori mund të ushtrojë i pavarur funksionet e tij kushtetuese dhe ligjore. Kjo është e garantuar, sepse është ligji dhe kushtetuta që na e garanton një gjë të tillë.
Unë në punën time, as nuk e kam ndier dhe as nuk e ndiej presionin që mund të më bëhet nga palët politike, patjetër politika ka punën e vetë dhe na sulmon, por e rëndësishme është që në vendimmarrje të mos ndikohemi nga politika.
Vendimmarrja duhet të jetë produkt i një analize objektive dhe zbatimit korrekt i ligjit, ua garantoj se çdo prokuror është i pavarur në ushtrimin e funksioneve të tij kushtetuese dhe ligjore”,-tha Altin Dumani.
LEXONI GJITHASHTU: