Një shtetas turk është arrestuar nga policia e Tiranës me akuzën e mashtrimit komjuterik.
Në kuadër të operacionit të koduar ‘Transkasioni’ u vu në pranga shtetasi turk F. K., 41 vjeç, i cili në bashkëpunim me shtetas të tjerë, me anë të mashtrimit kompjuterik, ka kryer transaksione të kundërligjshme, me vlerë mbi 1 milion euro.
“Ky shtetas, duke përdorur poset e biznesit të tij, kishte kryer transaksione të kundërligjshme, me anë të një karte të një shtetasi tjetër, i cili në momentin e kryerjes së transaksionit nuk ndodhej në Shqipëri.
Këto transaksione janë raportuar si veprime mashtrimi dhe nga kompania MasterCard”, bëri me dije policia.
Në bashkëpunim me agjencitë ligjzbatuese homologe, po punohet për zbardhjen e rrethanave të rastit dhe identifikimin e shtetasve të tjerë të dyshuar të implikuar.
LEXONI GJITHASHTU:
- Goditet ambienti ku luhej “Poker” në Tiranë: Arrestohet pronari, procedohen lojtarët
- Plagosi me thikë 16-vjeçarin, arrestohet i mituri në Fier