“Krijuan shtet paralel”-Gazetari: Bejtja pjesë e krimit, baza ku dyshohet se fshihej

Gazetari Dritan Laci është shprehur se ish-punonjësi i burgjeve, Gentjan Bejtja, që mbeti i vrarë ditën e djeshme në Fushë-Krujë, ka qenë pjesë e grupeve kriminale, të cilat sipas tij, kanë krijuar një shtet paralel në Shqipëri.

Komentet Laci i bëri në emisionin “Review” në Euronews Albania, ku tha se Bejtja dyshohet të ketë qenë i përfshirë në disa ngjarje të rënda kriminale, një pjesë e të cilave të ndodhura në Lezhë.

Ai tha gjithashtu se që pas atentatit të vitit të kaluar ndaj Bejtjas, ku mbeti i vdekur kunati i tij Ramazan Sino, ai dyshohet se fshihej në një bazë në veri të vendit.

“Ajo që dimë është që Bejtja pas atentatit të fundit ku mbeti i vrarë kunati i tij Ramazan Sino, ishte në ilegalitet të plotë. Mendohej se ai fshihej në një bazë kriminale në veri të vendit. Ai është një personazh i përfshirë në ngjarje të rënda kriminale, të ndodhura edhe në Lezhë.

Dakti që ai ishte i ndjekur për t’u eleminuar, ishte për atë çfarë ai dinte. Gentjan Bejtja ka qenë bashkëpunëtor i këtyre grupeve kriminale, që kanë krijuar një shtet paralel me shtrirje nga Veriu në Jug.

Janë gati 10 vite aktivitet i shtuar criminal i këtyre bandave që duket sikur nisin nga Fushë-Kruja, por lidhjen e kanë edhe me pjesët e tjera. Fushë-Kruja apo Nikla ka shërbyer si një rrugë për të gjetur njerëzit e përshtatshëm. Ata nuk dinin fare që ishte vrarë një person atje. Iu është dashur pak kohë për të hyrë në Nikël, pasi ishin njoftuar nga të afërmit që një person ishte vrarë aty”, tha Laci.

LEXONI GJITHASHTU:

• Atentati ndaj Gentjan Bejtja, autorët dyshohen se ishin 4 (Detajet)
• Ekzekutimi i Gentjan Bejtja, gjenden 50 gëzhoja në vendngjarje, si u vra 43-vjeçari