Krisje Rama-Leli? Avokati flet për raportin e kryeministrit me kryebashkiakun

Avokati Plarent Ndreca, theksoi se nuk ka ndonjë fakt për krisje mes kryebashkiakut të Vlorës, Dritan Leli dhe Edi Ramës.

Në një intervistë për “Euronews Albania”, teksa ka komentuar takimin e kreut të qeverisë me kryebashkiakët, theksoi se Erion Veliaj dhe Pjerin Ndreu janë raste suksesi.

“Mund të ketë raste që nuk ka kryetarë bashkie të cilët nuk kanë performuar në nivelin e pritshmërive të qytetarëve; dhe sigurisht që qeveria ka indikatorët e vet matës, por mund të jetë edhe rifreskim i skuadrës për ta mbajtur trupin gjallë. Kjo vjen për shkak se opozita shqiptare nuk është në nivelet që kërkon një demokraci të shëndetshme.  Në këtë mënyrë, forca politike që ka mazhorancën, është e detyruar që të jetë në nivelin e pritshmërive të publikut. PS po bën lëvizjet e saj për të mbajtur nivelin e përgjegjësive.

Pjerin Ndreu ka bërë një ndryshim të jashtëzakonshëm në Lezhë. Këto janë dy raste janë tregues të faktit se performimi në ushtrimin e detyrës së kryetarit të bashkisë, është arsye kryesore që forca politike ka parasysh në momentin që i rikandidon. Veliaj dhe Ndreu janë raste suksesi. Nuk kam fakt se Rama ka krisje me Dritan Lelin”- tha ai.

LEXONI GJITHASHTU: 

• “Euronews Albania” siguron videon e vrasjes së Pjerin Xhuvanit në Elbasan
• ‘U dorëzua, i dhashë ultimatum’, Berisha për deklaratën e Ramës për fashën 800kw