Kriza energjetike, eksperti: S’do ketë pasoja të menjëhershme tek qytetarët

Eksperti ligjor për çështjen e energjisë, Lorenc Gordani u shpreh për Euronews Albania se kriza energjetike nuk do të sjellë pasoja të menjëhershme tek qytetarët shqiptarë.

Sipas tij, kjo nënkupton se nuk do të ketë një rritje të shpejtë të çmimit të energjisë.

“Pasojat drejtpërdrejtë tek qytetarët nuk do të kemi pasoja të menjëhershme. Qytetarët janë të mbrojtur, tarifat vendosen nga Enti Rregullator, tarifat janë administrative, por për të mirën e qytetarëve janë tarifa të mbrojtura nuk ndryshohen”, u shpreh z. Gordani.

Eksperti shtoi se fillimisht nga kriza do të preken kompanitë publike, veçanërisht OSHEE, e cila do jetë e detyruar që ta blejë me çdo lloj çmimi energjinë dhe si pasojë do të ketë kosto më të larta.

Z.Gordani theksoi se në 10-vjeçarin e fundit, 30% të sasisë së energjisë është plotësuar nga importi. Sipas tij 200 mln euro çdo vit shkojnë për të blerë energji elektrike.

LEXONI GJITHASHTU:

• Rritja e çmimit të karburanteve nga kriza botërore e energjisë, thotë Rama
• Konfindustria thirrje institucioneve të ndërhyjnë për rritjen e çmimit të karburantit
• Rritet çmimi i naftës, vlera më e lartë në 3 vitet e fundit