‘Krizë legjitimiteti’, Gështenja: Janë krijuar struktura paralele në PD

Deputeti i Partisë Demokratike, Lefter Gështenja thotë se kryedemokrati Sali Berisha ka krijuar struktura paralele në këtë forcë politike.

Në një intervistë për “Euronews Albania”, Gështenja u shpreh se në bazë janë dy struktura paralele dhe palët nuk e njohin njëra-tjetrën.

Sipas tij, përveç krizës politike, në Partinë Demokratike ka edhe një krizë legjitimiteti.

“Sot në Partinë Demokratike ka një krizë, veç krizës politike ka një krizë legjitimiteti mes palëve, duhet pranuar. Palët, ndoshta janë më shumë se dy, por palët nuk njihen. Nuk është e tepër të thuhet që sot që ne flasim, kemi struktura paralele të ndërtuara, të ngritura nga Rithemelimi. Aktualisht, kemi PD-në zyrtare që ishin strukturat zyrtare që kanë mandat 4-vjeçar dhe paralel me këto struktura janë ngritur strukturat e Rithemelimit. Nëse zbret dikush në terren, në bazë kemi dy palë struktura”, theksoi ai.

LEXONI GJITHASHTU

• Bashkimi i PD-së fillon menjëherë me largimin e Berishës, sipas Roland Bejkos
• Roland Bejko: Pa Grupin Parlamentar, Berisha mbetet jashtë politikës
• Berisha s’mund të zgjedhë Kryetarin e Grupit Parlamentar, thotë Bejko