Kroacia në Shengen, shqetësohen Serbia dhe Bosnje-Hercegovina

Anëtarësimi i plotë i Kroacisë në zonën Shengen më 1 janar 2023 ngre shqetësime tek shtetet fqinje, veçanërisht në mesin e vendeve jo-anëtare të BE-së si Serbia dhe Bosnja e Hercegovina. Për arsye nga më të ndryshmet ata kanë frikë të mbeten larg zonës së interesave të BE-së.

“Ka një mundësi që kontrollet mund të jenë më të ngadalta dhe të ngadalësojnë të gjithë situatën. Unë nuk shoh që gjërat të përmirësohen” shprehet një shofer nga Serbia.

Ndihmës shefi i kontrollit kufitar në Kroaci thekson se Policia Kufitare Kroate ka zbatuar të gjitha procedurat ligjore të Bashkimit Evropian që nga dita e hyrjes në BE, më 1 korrik 2013. Prandaj nuk do të përballen me asnjë  radhë të madhe në kufi.

Përveç vështirësive në kalimin e kufijve, boshnjakët kanë frikë të lihen në anën më pak të qëndrueshme të gardhit dhe të përballen të vetëm me probleme si migrimi dhe paqëndrueshmëria rajonale.

“Ndjenja e izolimit, e hendekut mes Bosnje-Hercegovinës dhe Kroacisë  do të rritet dhe politika aktuale e BE-së ndaj Bosnje-Hercegovinës, por edhe ndaj rajonit të Ballkanit Perëndimor, nuk ka asnjë shpresë në të ardhmen e afërt. Pesë deri në dhjetë vjet, ky hendek do të ngushtohet, ndoshta do të jetë shumë, shumë më i gjerë” shprehet eksperti për Ballkanin Perëndimor.

Zgjerimi i kufijve të jashtëm të BE-së do të sjellë përmirësime në pjesën tjetër të rajonit, tha për Euronews ish-ministrja e Jashtme kroate dhe anëtarja aktuale e opozitës, Vesna Pusiç.

“Ky nuk është zgjerim, është konsolidim i territorit evropian. Bosnja, Serbia, Maqedonia Veriore, Kosova dhe Mali i Zi janë të rrethuar nga territori i BE-së, dhe realisht është çështje e sigurisë evropiane. Këto Shtete nuk mund të izolohen kurrë në kuptimin e ndërtimit të një muri sepse në fakt ai është i rrethuar nga BE-ja”, thekson Pusiç.

BE-ja synon stabilizimin e të gjithë Ballkanit Perëndimor. Kjo është arsyeja pse Brukseli thotë se nuk ka interes të ngrejë mure të reja dhe të destabilizojë kandidatët për zgjerim me politikat jofunksionale të migracionit, veçanërisht pas aderimit të Kroacisë në hapësirën Shengen dhe hyrjen në zonën euro.

LEXONI GJITHASHTU

• Kroacia në alarm, raportime për bomba në gjykata, evakuohen punonjësit
• Kroacia, Bullgaria dhe Rumania ‘gati’ për t’u bashkuar me Shengenin
• Ish-ambasadori: Asosacioni duhet të zbatohet duke respektuar Kushtetutën e Kosovës