Kryebashkiaku i Athinës mesazh në mbështetje të Veliaj

Kryetari i Bashkisë së Athinës, Kostas Bakoyannis, i ka uruar sukese kryebashkiakut Erion Veliaj, në garën për zgjedhjet lokale të 14 majit.

Përmes një mesazhi mbështetës, Kostas Bakoyannis thekson se Tirana nën drejtimin e Veliajt, në një kohë shumë të shkurtër është transformuar në një qytet modern, të gjallëruar, dinamik dhe metropolitan.

“Përshëndetje nga Athina!

Kam kënaqësinë të përcjell këtë mesazh dhe të mbështes mikun tim të mirë dhe të shtrenjtë Erion Veliaj. Të gjithë ju e njihni Erionin!

Ai është ambicioz dhe i kompletuar. Ai është i talentuar, shumë punëtor dhe karizmatik. Kam kaluar orë të tëra duke diskutuar me Erionin dhe duke ndarë dashurinë dhe entuziazmin e tij për Tiranën. Në një kohë relativisht të shkurtër, Tirana u bë kryeqyteti i rinisë, kulturës dhe sportit. Në një kohë shumë të shkurtër, kushdo që viziton Tiranën, ka mundësinë të shikojë transformimin e Tiranës moderne, të gjallëruar, dinamike, metropolitane. Ndaj është mirë të shkoni ta vizitoni.

Erion, të uroj shumë fat dhe suksese!”, shprehet Kreu i Bashkisë së Athinës, Kostas Bakoyannis.

LEXO GJITHASHTU:

• Gazetari zbulon bashkinë ku Enkelejd Alibeaj mund të marrë më shumë vota se Berisha
• “Portat e hapura”| Këlliçi: Vilat e vjetra do të kthehen në atraksione turistike
• “Bashkë Fitojmë” në zgjedhje me emrin e Metës, Mediu zbulon qëndrimin e tij