Kryemadhi ankimon sekuestrimin e 2 vilave të Kodra e Diellit: Do e çoj në Strasburg

Monika Kryemadhi u paraqit sot në SPAK në të vendimit “detyrim paraqitje”, që është të hënën e çdo muaji.

Në një deklaratë për mediat Kryemadhi tha se ka ankimuar në GJKKO sekuestrimin e 2 vilave të saj në zonën e Kodrës së Diellit, çështje që siç theksoi do ta çojë deri në Strasburg nëse nuk gjen drejtësi.

“Jo s’e kemi shpresë nga gjykata e Apelit, pasi shikojmë kërcënim dhe presione haptas. Kjo gjë do të përfundojë në Strasburg për shkeljen e të gjithë procesit të të drejtave të njeriut, të pronës”, tha Kryemadhi.

E pyetur për protestën e 6 dhjetorit, të thirrur nga Presidenti i Partisë së Lirisë, ish-bashkëshorti i saj Ilir Meta, Kryemadhi tha se nuk do të jetë në këtë protestë pas nuk merret më me politikë dhe ka menduar të ndryshojë profesion.

LEXONI GJITHASHTU:

• GJKKO sekuestron pasuritë e Monika Kryemadhit dhe nënës së saj
• Kryemadhi pas daljes nga GJKKO: Nuk habitem nga vendimi i gjykatës, afërmendsh