Kryeministri Johnson: Frika jonë më e madhe u bë realitet

Kryeministri britanik Boris Johnson deklaroi në një dalje televizive të enjten se ajo që të gjithë po i trembeshin “u kthye në realitetet”.

“Frika jonë më e madhe u bë realitet dhe të gjitha paralajmërimet për pushtimin rus rezultuan tragjikisht të përpikta”.

Më herët gjatë ditës Johnson e përshkroi sulmin rus si “një katastrofë për kontinentin tonë” dhe shtoi se do të bisedojë më vonë me liderët botërorë.

This is a catastrophe for our continent.

I will make an address to the nation this morning on the Russian invasion of Ukraine.

I will also speak to fellow G7 leaders and I am calling for an urgent meeting of all NATO leaders as soon as possible.

— Boris Johnson (@BorisJohnson) February 24, 2022

Johnson pohoi se kishte biseduar më herët me presidentin ukrainas Volodymir Zelensky për t’i ofruar ndihmë.

Presidenti rus solli luftën në Europë, tha ai, duke sulmuar një shtet mik pa asnjë provokim apo justifikim të besueshëm.

Civilë të pafajshëm po bombardohen, vazhdoi Johnson, ndërkohë që ka nisur një ofensive e madhe në rrugë detare dhe ajrore.

‘Nuk mund të bëjmë sikur nuk shohim’

Ky nuk është ndonjë vend i largët që nuk e njohim, tha kryeministri britanik.

Ukraina – shteti i dytë më i madh në Europë – njihet si vend demokratik prej dekadash.

“Nuk mund të lejojmë që pavarësia e tyre të zhduket. Nuk mund dhe nuk do të bëjmë sikur nuk shohim”.

Mbretëria e Bashkuar ishte ndër shtetet e para në Europë që nisi armatime në ndihmë të Ukrainës.

“Sot do të koordinojmë me aleatët një paketë të madhe sanksionesh ekonomike për të penguar ekonominë ruse”, tha Johnson.

Europa duhet të ndalë varësinë ndaj naftës dhe gazit që e ka bërë Putinin kaq të fuqishëm në Europë.

LEXONI GJITHASHTU:

• Tym i zi mbi selinë e Inteligjencës në Ukrainë
• Kancelari gjerman thirrje presidentit rus të ndalojë sulmin
• Lukashenko: Trupat bjelloruse drejt përfshirjes në pushtimin e Ukrainës