Kryen 5 vjedhje në Vlorë, arrestohen 3 autorët të pajisur me sende të forta

Policia e Vlorës ka finalizuar operacionin “Target 6,” duke zbardhur 5 raste të vjedhjes dhe 1 rast të tentativës për vjedhje në qytetin e Vlorës. Policia ka arrestuar tre persona të dyshuar si autorë të këtyre ngjarjeve, shtetasit me iniciale K. D., 30 vjeç, G. Ç., 28 vjeç, dhe F. P., 30 vjeç, të gjithë banues në Vlorë.

Hetimet tregojnë se autorët, të maskuar dhe të pajisur me dorashka e sende të forta, kanë kryer disa vjedhje të organizuara ndërmjet datave 10-21 janar 2025, konkretisht:

Më 10.01.2025, në lagjen “Partizani”, kanë thyer xhamin e një automjeti tip “Mercedes Benz” ku kanë vjedhur një palë syze me vlerë 400 euro dhe një parfum me vlerë 50 euro

Më 13.01.2025, në lagjen “Partizani”, kanë vjedhur disa steka me cigare në një dyqan

Më 18.01.2025, në lagjen “Hajro Çakërri”, kanë vjedhur 20 mijë lekë dhe steka me paketa me cigare me vlerë 80 mijë lekë në një dyqan

Më 19.01.2025, në lagjen “15 Tetori”, kanë vjedhur 16 mijë lekë në një market

Më 21.01.2025, në lagjen “24 Maji”, kanë vjedhur 30 mijë lekë dhe paketa me cigare në një dyqan

Më 21.01.2025, në lagjen “Lef Sallata”, kanë tentuar të vjedhin në një subjekt financiar jobankar

Policia ka sekuestruar si prova materiale sendet e vjedhura, mjetet e përdorura për krimet dhe veshjet që autorët përdornin për t’u maskuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Vjedhja”, kryer në bashkëpunim.

LEXONI GJITHASHTU:

• Me precedentë penalë, kush është 30-vjeçari që u ekzekutua brenda makinës në Vlorë
• Lëndë narkotike, dhunë dhe vjedhje, arrestohen 5 persona të shpallur në kërkim