Kryetari i Partisë Komuniste: Jam vazhdues i veprës së Enver Hoxhës

Kryetari i Partisë Komuniste të Shqipërisë, Qemal Çiçollari thotë se është vazhdues i veprës së ish-diktatorit, Enver Hoxha.

Për Euronews Albania, Çiçollari u shpreh se aktualisht, Partia Komuniste e Shqipërisë ka mbi 5000 anëtarë.

Çiçollari nënvizoi se është kundër sistemit kapitalist, që sipas tij, është shtypës dhe shfrytëzues.

“Partia Komuniste, ne komunistët shqiptarë nuk jemi nostalgjikë të Enver Hoxhës. Ne jemi nxënës dhe vazhdues të veprës së tij revolucionare në shërbim të popullit dhe të atdheut. Jemi idealistë, jemi anëtarë të Partisë Komuniste të Shqipërisë, vazhduesit. Ne kemi bindje komuniste dhe këto bindje komuniste janë botëkuptimore. Partia Komuniste e Shqipërisë është partia e klasës punëtore e cila udhëhiqet nga shkenca marksiste-leniniste dhe mësimet e Enver Hoxhës.

Si Parti Komuniste, ne shprehim dhe mbrojmë interesat e klasës punëtore dhe të masave punonjëse. Jemi kundër kapitalizmit, sistemit të vjetër kapitalist, shtypës dhe shfrytëzues. Ka mijëra anëtarë, me dhjetëra, mijëra simpatizantë të cilët po rriten çdo ditë e më shumë si numër. Mbi 5000 anëtarë partie”, theksoi ai.

LEXONI GJITHASHTU

• Mbështetësi i diktaturës: Simbolet e komunizmit janë në gjakun e shqiptarëve
• Presidenti gjerman në Shkup, agjenda: Radhën e ka Tirana
• Si Macron po lobon që Greqia ta njohë Kosovën?