Mbështetësi i diktaturës: Simbolet e komunizmit janë në gjakun e shqiptarëve

Një nga anëtarët e Partisë Komuniste u shpreh në një intervistë për Euronews Albania se simbolet e komunizmit janë në gjakun dhe shpirtin e shqiptarëve.

Ai shtoi se nuk mund të hiqen simbolet e komunizmit, pasi kjo parti nuk ka kryer asnjë krim gjatë periudhës së diktaturës.

“Në kohën e komunizimit jeta jonë ka qenë një jetë shumë e lumtur. Erdha nja një shoqëri mikro-borgjeze e varfër dhe arrita u arsimova dhe mora kulturë. Ambasada amerikane si çdo shtet tjetër demokratik duhet të veprojë brenda shtetit të këtij. Këtu duhet të veprojnë ne si  popull. Nuk mund të hiqen simbolet e komunizimit. Simbolet e komunizimit janë futur tashmë në gjakun dhe shpirtin e njerëzve, simboli i Enver Hoxhës, simboli i 28 mijë dëshmorëve. Unë nuk njoh që të jetë bërë ndonjë krim padrejtësisht”, u shpreh ai gjatë homazheve në Varrezat e Dëshmorëve të Kombit në 78-vjetorin e çlirimit të vendit.

LEXONI GJITHASHTU:

• Presidenti gjerman në Shkup, agjenda: Radhën e ka Tirana
• Si Macron po lobon që Greqia ta njohë Kosovën?
• A do të jetë në protestën e 6 dhjetorit? Flet Ilir Meta