Ktheu dyqanin e rrobave të së ëmës në depo armësh, kush është i riu i arrestuar

Shtetasi Gjergji (Zoto) Dervishaj është personi i cili ra prangat e policisë së Vlorës mesditën e së hënës, pas gjetjes së një baze të armëve dhe municioneve në lagjen “10 korriku”.

Dervishaj po hetohet nga policia mbi dyshimet për prodhimin dhe tregtimin e armëve dhe municioneve luftarake.

31 vjeçari, u arrestua në kushtet e flagrancës në lavazhon në pronësi të tij. Teksa gjatë kontrollit në dyqanin e së ëmës, i cili përdorej për tregtimin e rrobave të përdorura, policia zbuloi një bazë armatimesh.

Policia, dyshon se qëllimi i të riut ka qenë tregtimi i tyre edhe pse nuk e përjashton mundësinë e angazhimit të tij në ngjarje të mundshme kriminale.

Aktualisht, policia po zhvillon ekspertizën balistike të armëve për të kuptuar nëse ndonjë prej tyre mund të jetë përdorur më herët në ngjarje të mëparshme.

31 vjeçari Dervishaj nuk është një person i skeduar më herët, ndërsa rezulton të jetë kushëriri i të riut që mbeti i vdekur në atentatin 3 marsit 2023  në rrugën trasballkanike, Taulant Beqiraj.

LEXONI GJITHASHTU:

• Ishte kamufluar si dyqan rrobash të përdorura, detaje nga zbulimi i bazës së armëve
• VIDEO| Arrestohet me armë në brez 34-vjeçari në Vlorë