“Kthim pas nuk ka”, Noka mbyll protestën: S’do e shmangni dot më Surrelin

Është mbyllur pas tre orësh protesta e opozitës. Sekretari i përgjithshëm i Partisë Demokratike Flamur Noka tha në përfundim të protestës së mbajtur këtë të martë, se mosbindja civile do vazhdojë e se do të lajmërojnë për hapat që do të ndjekin më pas.

“Dua të falenderoj me mirënjohje të pafundme të gjithë të rinjtë e të rejat që iu përgjigjën ftesës së opozitës. Falenderoj qytetarët që shmangën dhe bënë gjithçka që të shmangnin përplasjen në këtë ditë dhe iu bindën thirrjes së opozitës me heshtjen e tyre duke qëndruar në shtëpi.

Sot ka qenë një ditë e zezë për narko-shtetin. Ata kanë sjellë narko-policinë në çdo kryqëzim. Me këtë sjellje ata tregojnë se janë në panic dhe mosbindja civile po jep frytet e veta. Qeveria teknike është e vetmja zgjidhje për Shqipërinë dhe për shqiptarët.

E shmangën sot Surrelin, por nuk e shmangin dot gjithmonë. Mosbindja civile, do vazhdojë. Do ju njoftojmë për hapat e radhës. Kthim pas nuk ka!”-tha Noka.

LEXONI GJITHASHTU:

• Mickoski: Ahmeti po ankohet për gjykatësit që vetë i ka zgjedhur
• “Do sulmoheshin pika karburanti”, gazetarja: Ja informacionet që kishte policia