Ku derdhen ujërat e zeza të Tiranës? Veliaj: Do e zgjidhim, shkuam në Japoni…

Kreu i bashkisë Tiranë Erion Veliaj tha në një intervistë në emisionin Review në Euronews Albania projekti i unifikimit të ujërave të zeza, që njihet si granti japonez është në Arbitrazh për shkak të keqpërdorimit të qeverisë Meta-Berisha.

Veliaj u shpreh se aktualisht projekti është i ngrirë dhe nuk mund të ndërhyhet për të, por shtoi se qeveria dhe ai vetë kanë biseduar me homologët japonezë që ta zgjidhur këtë çështje sapo të mbyllet gjyqi.

“Sot kemi një projekt në Kashar për të cilën qeveria e Berishës dhe Metës mori një kredi dhe bëri 30 për qind punë, që është granti japonez për të cilën u arrestuan shumë zyrtarë të LSI. Kjo çështje është në gjyq, ka një masë bllokimi, s’e prek dot. Ky projekt është i ngrirë, është në Arbitrazh. Opsionet e tjera derisa të jetë një vendim s’mund ta prekësh dhe ndërkohë kam qenë unë dhe kryeministri në Japoni dhe kemi negociuar një mundësi që pas vendimit të gjykatës me qeverinë japoneze t’i bëjmë një shtesë grantit për ta përfunduar këtë projekt. Është në fazën përfundimtare gjyqi dhe me bisedimet me punë javësh do kemi një përgjigje”, tha Veliaj.

LEXONI GJITHASHTU:

• A duhet ta pimë ujin që na vjen në rubinet? Veliaj: Përgjegjësi e qytetarëve!
• “Kullat gjëja më e bukur në Tiranë”, Veliaj: S’mund të jemi dhe qytet i ri dhe antik