“Ku do vesh ti?”, shfaqja që trajton problemet e përditshmërisë së të rinjve

Në teatrin Andon Zako Çajupi u shfaq komedia “Ku do të vesh ti”. Shfaqja trajton me humor problematikën e të rinjve.

3 aktorë të rinj të qytetit sollën shfaqjen e cila trajton përditshmërinë e familjeve korçare, një origjinalitet i cili i bëri për vete publikun në sallë.

“Ai ishte qëllimi sepse shumica e personazheve që ne interpretuam sot ishin korçare kështu që duke qenë në Korçë e kishim më afër realitetin edhe në të folur në dialekt por e ne problematika që trajtonin. Shfaqja ishte më e gjere sesa kaq sepse nuk qëndronte vetëm në Korçë, nga titulli ishte thirrje që shohim vetëm njerëz që ikin, një sekondë se siç u kthyem ne në Korçë për të bërë shfaqje, ashtu të kthehen dhe mos ngrihen në mëngjes e do thonë do iki”,-tha Franc Bregu.

‘Për mua është herë e parë ky lloj formati, u kënaqa me reagimet e publikut, u kënaqa me të qeshurat, batutat”,-tha Silvio Goskova.

“Shfaqja ishte për tre te rinj qe pavarësisht pengesave që u dilnin përplaseshin me personazhet që ata vet ndërtonin. Unë e falënderoj publikun, shumë i kënaqur me publikun, përballë tyre”,-tha Juxhin Plovishti.

Shfaqja i ka plotësuar pritshmëritë kështu që në ditët në vijim do të zhvendoset dhe në qytete të tjera të vendit.

LEXONI GJITHASHTU:

• Të moshuarit probleme nga i nxehti, 60 vizita në ditë në njësinë e urgjencës
• “Priten ndryshime”, gazetari: Rama do që PS të përfaqësohet nga gjeneratat e reja