Ku i bëjnë pushimet shqiptarët

Shumica dërrmuese e shqiptarëve i kalojnë pushimet në Shqipëri teksa vetëm 9 ndër 100 shqiptarë mundet të pushojnë jashtë vendit.

Kjo u pa gjatë sondazhit në “Barometri” ku përballë pyetjes se “ku i bënë pushimet verore”, 91.1% e të pyeturve thanë se “brenda vendit”, 6.3% “jashtë” dhe 2.6% “disa ditë jashtë, disa ditë brenda”.

Pyetur për kohëzgjatjen mesatare të pushimeve si dhe shpenzimeve, rezultoi se mesatarisht shqiptarët pushojnë 9 ditë me nga 22 euro shpenzime në ditë për person.

Sondazhi për pushimet verore u krye gjatë 15-ditëshit të dytë të muajit gusht ku në intervista ballë për ballë u përfshinë 1000 veta.