Kujt i dha të drejtë Venecia? E zbulon konstitucionalisti Daci

Komisioni i Venecias bëri publik sot opinionin në lidhje me mandatin e Olta Xhaçkës.

Komisioni i Venecias nuk ka marrë një qëndrim të drejtpërdrejtë lidhur me vendimet specifike të Gjykatës Kushtetuese për rastin e Xhaçkës, por ka ofruar një analizë të përgjithshme mbi mënyrën se si duhet trajtuar çështja e papajtueshmërisë së mandatit të saj në kuadrin kushtetues shqiptar.

Sipas Komisionit, Parlamenti duhet të respektojë vendimet e Gjykatës Kushtetuese, duke vepruar në përputhje me ato vendime pa e kushtëzuar këtë me vullnetin e shumicës parlamentare.

Juristi Jordan Daci tha në emisionin Now në Euronews Albania se vendimi i Komisionit të Venecias është shoqëruar me një kakofoni politike ku të gjitha palët pretendojnë se janë fituese.

Sipas tij, konkluzioni i fundit i hedh poshtë të gjitha pretendimet që thotë se vendimet e Gjykatës Kushtetuese janë baza për një shtet të së drejtës

“Komisioni, përtej gjuhës politikisht korrekte, ka dy konkluzione që janë midis rreshtave, nuk nënkupton që deputeti detyrohet të votojë në një formë të caktuar, pyetjet janë bërë qëllimisht të tilla që të marrin këto përgjigje. Deputeti ushtron më shumë se sa një funksion, ligjvënës dhe një ndër to është kur vepron në kuptimin administrativ për kërkesa të Gjykatës Kushtetuese. Një konkluzion i hedh të gjithë poshtë, që thotë: vendimet e Gjykatës Kushtetuese janë baza për një shtet të së drejtës, mirë apo keq, këtu mbaron diskutimi, vendimi i Kushtetueses është “ma sillnim ua çështjen ta diskutoj””, tha Daci.

LEXONI GJITHASHTU:

• Mandati i Kryetares së Gjykatës Kushtetuese, Holta Zaçaj i drejtohet “Venecias”
• PD për vendimin e Venecias për Xhaçkën/ Bylykbashi: Qeveria t’i bindet Kushtetueses