“Kukësi bashkë me Hasin, Puka me Fushë-Arrëzin”, Artan Hoxha zbulon bashkitë që do bashkohen

Gazetari, Artan Hoxha i ftuar në emisionin “Now” me moderatoren Erla Mëhilli në Euronews Albania ka zbuluar detaje të reja lidhur me reformën territoriale. Sipas Hoxhës po diskutohet që të bashkohen disa bashki në një, duke marrë shembull Kukësin me Hasin dhe Pukën me Fushë-Arrëzin.

Ai theksoi se nga shpopullimi këto bashki do të bashkohen në një. Ky detaji u zbulua nga Hoxha pas diskutimeve në panel teksa deputeti demokrat, Bardh Spahia theksoi se rikthimi i nevojës për të bërë një formë të re territoriale është konfirmim i një dështim i reformës territoriale e 2014.

Hoxha gjithashtu theksoi se plani i bashkimit të disa bashkive është efekt i reformës së vitit 2014.

“Zoti Spahia, po diskutohet te reforma e re që po bëni ju. Një element që ta kesh edhe ti këtë. Po diskutohet për shembull po marr një rast. Kukësi do të bëhet me Hasin do të jetë një bashki. Puka do t bëhet me bashkë me Fushë-Arrëzin.

Dhe pse po bëhet kështu? Sepse me reformën e 2014 shpopullove Fushë Arrëzin dhe Hasin tani je i detyruar t’i bashkosh. E kupton tani, ky është efekti i reformës së 2014”, tha Hoxha.