Kukësi nën ‘ethet’ e zgjedhjeve, qytetarët pak interes për procesin

Pas Rrogozhinës që përsëriti garën e 14 majit me të njëjtën kandidatë, Kukësi është bashkia e dytë në vend ku do të zhvillohen sërish zgjedhje lokale brenda vitit për të zgjedhur kryetarin e ri të bashkisë që do e drejtojë qytetit për 4 vitet e ardhshme.

“Në 24 shtator kuksianët do t’i drejtohen për herë të dytë brenda këtij viti kutive të votimit për të zgjedhur qytetarin e tyre të parë. Pas largimit të Safet Gjicit, gara këtë herë është mes Emri Vatës nga opozita, dhe Albert Halilajt nga Partia Socialiste. Por megjithatë interesi për këtë proces i qytetarëve kuksian është i ulët”, deklaroi nga Kukësi gazetari i Euroneës Albania.

Ndërkohë që qytetarët shprehën interes të ulët për zgjedhjet e të dielës

“Nuk ndikon fare, ndikon qeveria, s’ka lidhje zgjedhjet këtu”-deklaroi një banor i Kukësit për kamerën e Euronews.

Në Kukës, të drejtën e votës më 24 shtator e kanë 45.946 zgjedhës, të cilët do e ushtrojnë të drejtën e tyre në 74 qendra votimi. Në 14 maj, kur garuan 3 kandidatë përqindja e pjesëmarrjes ishte pak më shumë se 50% dhe mbetet për t’u parë se sa do të jetë pjesëmarrja këtë të dielë, që sigurisht do të ketë ndikim edhe në rezultat dhe fituesin e zgjedhjeve.

LEXONI GJITHASHTU:

• Zgjedhjet në Kukës, Celibashi zbulon kostot: Pse s’janë pranuar 11 komisionerët e PD
• Deputetët e PD takim në Kukës, Bardhi dhe Berisha bashkojnë forcat për zgjedhje