“Kukësin e shoh 3-0 për PD”, gazetarja bën parashikimin

Gazetarja Eksiola Shehu tha në emisionin Barometri në Euronews Albania, se Partia Socialiste ka shumë pak gjasa të fitojë në 3 bashkitë e Qarku të Kukësit; Kukës, Tropoja dhe Hasi.

Duke iu referuar rezultatit në zgjedhjet e përgjithshme të 2021, ku PS ka pasur 37,7 për qind të votave, ndërsa PD 60 për qind, mund të flitet për ngushtim të rezultatit, por jo fitore të PS.

“Njihet si një qark shumë i varfër me një lëvizje shumë të lartë të popullsisë. PS ka pasur 37,7 për qind të votave ndërsa PD 60 për qind. Njihet si një qark i djathtë dhe është i vështirë ndërrimi i krahut në majtas. Mund të kemi një diferencë votash po jo që Kukësi, Tropoja dhe Hasi të drejtohen nga PS. Nuk mendoj se PS në qarkun e Kukësit do ketë pritshmëri, që pavarësisht gjendjes së opozitës është bastion i djathtë. Kukësin e shoh 3-0 në favor të PD”, tha Shehu.

LEXONI GJITHASHTU:

• Sfida e PS për zgjedhjet lokale! Gjiknuri zbulon bashkitë ku do “luftohet” më shumë
• “PS merr deri në 55 bashki”, Gjiknuri: Me këtë opozitë, mbetemi forcë e parë