Kultivonte kanabis në arën me misër, policia “kap mat” 28-vjeçarin

Një 28-vjeçar me inicialet S.Gj., është kapur në flagrancë nga forcat e policisë teksa kujdesej për kanabisin e mbjellë në arën me misër.

Në pamjet filmike të ardhura nga policia duket se 28 vjeçari ka qenë duke u kujdesur për bimët e mbjella ndërsa efektivët e policisë i bëjnë “një vizitë suprizë”, duke e kapur të riun në flagrancë.

Në këtë sipërfaqe toke të marrë me qira, policia ka njoftuar se u gjetën të kultivuara 2100 bimë narkotike cannabis sativa, të cilat u asgjësuan nëpërmjet djegies, përveç një pjese të vogël të tyre, e cila u sekuestrua në cilësinë e provës materiale.

Njoftimi i policisë

Si rezultat i kontrolleve me skuadra të Policisë dhe me dronë të rezolucionit të lartë, me qëllim parandalimin, konstatimin dhe goditjen e kultivimit të bimëve narkotike, shërbimet e Komisariatit të Policisë Vau i Dejës, me mbështetjen dhe të informacioneve nga inteligjenca policore, kanë finalizuar operacionin policor të koduar “Corn”, si rezultat i të cilit u vu në pranga shtetasi S. Gj., 28 vjeç, banues në fshatin Gur i Zi, Shkodër.

28-vjeçari u kap në flagrancë, në një tokë arë të marrë me qira, në fshatin Mjedë, teksa kujdesej për bimët narkotike që i kishte kultivuar nëpër bimë misri, për t’i fshehur.

Në këtë sipërfaqe toke u gjetën të kultivuara 2100 bimë narkotike cannabis sativa, të cilat u asgjësuan nëpërmjet djegies, përveç një pjese të vogël të tyre, e cila u sekuestrua në cilësinë e provës materiale.

Vijojnë hetimet për identifikimin dhe kapjen e shtetasve të tjerë që mund të jenë implikuar në këtë rast kultivimi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore.

LEXONI GJITHASHTU:

• “Oppenheimer”, zyrtarisht filmi me fitimin më të madh për Luftën e Dytë Botërore
• Ndahet nga jeta në moshën 80-vjeçare Robbie Robertson, lideri i The Band