Qeveria liberalizon sistemin e vizave turistike për 8 vende. Lajmi u bë i ditur nga Ministrja e Turizmit dhe Mjedisit, Mirela Kumbaro pas përfundimit të mbledhjes së Këshillit të Ministrave.
Në një deklaratë për mediat, Kumbaro bëri me dije se ky vendim hyn në fuqi nga dita e nesërme dhe vlen deri më 31 dhjetor të këtij viti.
“Sot qeveria shqiptare mori një vendim për të liberalizuar sistemin e vizave turistike për 8 vende që do e përfitojnë për të hyrë në territorin e Shqipërisë për qëllime turistike por dhe lejohet aplikimi online. I përgjigjemi një kërkese që ka qenë insistuese nga ana e operatorëve turistikë dhe hotelerive”, tha Kumbaro.
Ministrja tha se një tjetër kërkesë e bizneseve dhe operatorëve turistikë, është heqja e “green pass” në kufi dhe se kjo do të diskutohet me Komitetin Teknik të Ekspertëve.
“U diskutua rishikimi i sistemit të green pass, detyrimit për të treguar në Shqipëri vaksinën kundër covidit. Presim që Komiteti Teknik i Ekspertëve ta marrë së shpejti në konsideratë, për ta hequr në muajin maj”, u shpreh ministrja.
LEXONI GJITHASHTU
- Lëshohet viza e parë amerikane me afat 10-vjeçar
- Zv.konsullja e SHBA: Aplikimet për viza amerikane janë rritur me 60%
