Kupa e Mbretit | Reali përballet me Barcelonën, Osasuna kundër Athletic Bilbao

Shorti i gjysmëfinaleve të Kupës së Mbretit në Spanjë ka prodhur dy përballje interesante, mes tyre dhe klasikja mes rivalëve të përjetshëm, Realit dhe Barcelonës.

Dy skuadrat përballen me njëra tjetrën sërish, pas pak ditë më parë u ndeshën në superkupë, e fituar nga blaugranët me rezultatin 3-1.

Kupa e mbretit në Spanjë është drejt fundit të saj, ku në lojë kanë mbetur vetëm 4 skuadra, Reali, Barcelona, Osasuna dhe Atletik Bilbao.

Shorti i hedhur gjatë paradites së të hënës u tregua i pamëshirshëm, duke suprizuar disi fansat, të cilët nuk do mund t’i ndjekin gjigantët spanjollë në finale e kupës, në anën tjetër interes përbën dhe përballja Osasuna-Atletik Bilbao. Kjo për faktin se të dyja skuadrat kanë pasur një rrugëtim interesant gjatë kompeticionit.

Ndeshjet e para do të zhvillohen më 7 shkurt, ndërsa ato të kthimit janë parashikuar në 1 mars. Kujtojmë se në fazën çerekfinale, Reali eleminoi Atletikon e Madridit në derbi, Bilbao fitoi ndaj Valencias, Osasuna ndaj Sevijas, ndërsa Barcelona minimalisht Sociedadin.

LEXONI GJITHASHTU

• Sassuolo ‘5 yje’ ndaj Milanit, Juve turpërohet nga Monza
• Tjetër goditje për Dani Alves, skuadra i ndërpret kontratën
• Akuzohet për ngacmim seksual, arrestohet futbollisti Dani Alves