Ish-deputetja Silva Caka, shprehet se është e nevojshme që opozita të ulet në një tryezë të përbashkët për të zgjedhur kandidatët për zgjedhjet lokale të vitit 2023.

Në një intervistë për “Euronews Albania”, Caka theksoi se primaret janë shumë të rëndësishme, duke shtuar se ky proces është standard i një demokracie të brendshme.

“Është momenti i nevojshëm. Aq më shpejt aq më mirë. Nuk ka nevojë që ky proces të zgjatet. Primaret janë shumë të rëndësishme, sepse treguan një tjetër standard dhe një demokraci të brendshme të një partie politike. Primare, veç e veç, do ketë nëse shkojmë me kandidatura të veçanta. Minimumi mund të shkojë në para-primare për të bërë një përzgjedhje se cilat janë kandidaturat më të mira politike, dhe pastaj kush nga dy ose tre mund të dalë kandidat. Por është e kotë t’i lodhësh kaq shumë, mendoj se një proces është i mjaftueshëm”- nënvizoi ajo.

LEXONI GJITHASHTU: 

• Rama për kryebashkiakun e Himarës: Sot shembull suksesi, u zgjua nga gjumi
• Rama kritik ndaj Bardh Spahisë: Situata e pastërtisë në Shkodër është skandaloze