F1 | Lajmi i fundit

Kuriozitete mbi “Parc Ferme” në Formula 1

25 Tetor 2024 | 12:59

“Parku i Mbyllur” – Nga frëngjishtja në shqip përkthehet në “Parku i Mbyllur” Ka një sërë rregullash që vendosin ekzaktësisht se çfarë një skuadër mund të bëjë dhe çfarë jo gjatë kohës që paraprin ditën e garës.

“Rregjistrimi” – Mbi kokën e çdo makine është vendosur një kamera nëpërmjet së cilës vrojtohet dhe rregjistrohet. Në këtë mënyrë “FIA”, mund shohë gjithçka ndodh me makinën.

“Sesioni i 1-rë” – Çdo makinë që lë “pit lane” për të marrë pjesë në Provat Zyrtare, është e detyruar të jetë në “Parc Ferme” deri në fillimin e garës. I njëjti rregull vlen edhe për kohën pas “Sprint Shootout” deri në “Sprint Race”.

“Evidenca” – Çdo difekt duhet raportuar, shoqëruar edhe nga pjesa e përdorur për ta riparuar.

“Çertifikimi” – Çdo makinë duhet të jetë e mbuluar dhe gati për vulën e çertifikimit nga FIA, dy orë pas Provave Zyrtare/ Sprintit. Gjatë një sezoni përdoren deri në 40 mijë vula.
“Deklarimi” – Skuadrat duhet të dorëzojnë një material të detajuar për çdo makinë përpara Provave Zyrtare. Aty duhen përshkruar elementet e makinës, ato që lejohen dhe që nuk lejohen të përdoren pa leje.

“Vëzhguesit nga FIA” – Çdo veprim dhe proces duhet mbikqyrur nga vëshguesit dhe stafi teknik i FIA-s. 20 vëzhgues ndjekin dhe kontrollojnë çdo proces që kryhet në makinë në fundjavën e garës.