Kurti dhe Osmani nisen drejt Parisit, kryeministri takim me Vuçiç

Kryeministri i Kosovës, Albin Kurti dhe presidentja Vjosa Osmani janë nisur sot drejt Francës ku do të marrin pjesë në Forumin e Paqes në Paris krahas liderëve të tjerë botërorë e udhëheqësve të organizatave ndërkombëtare.

Kurti deklaroi para udhëtimit se gjatë kësaj vizite, pritet të ketë edhe një takim  me presidentin e Serbisë, Aleksandar Vuçiç. Kurti shtoi se janë dy propozime në tavolinë, një i tij, me kornizën e përgjithshme të marrëveshjes i prezantuar në takimin e 18 gushtit, si dhe propozimi franko-gjerman, që sipas tij e ka mbështetjen e SHBA-së dhe BE-së.

Edicioni i pestë i Forumit të Paqes në Paris do të mbledhë liderë nga mbarë bota, si dhe përfaqësues të lartë të organizatave ndërkombëtare, bizneseve, bankave zhvillimore për të diskutuar eliminimin e krizave të shumëfishta globale, duke promovuar forcimin e bashkëpunimit dhe multilateralizmit.

LEXONI GJITHASHTU:

• Peleshi: Nga janari 7 mijë ushtarakëve do u rritet paga me 7%
• Këlliçi akuza Veliajt nga Kuvendi: Rriti 10 herë taksën e ndërtimit
• Begolli: Fëmijët 12 apo 14 vjeç kanë probleme me posturën nga teknologjia