Kryeministri i Kosovës, Albin Kurti ka raportuar në Kuvend në lidhje me takimin që pati me presidentin e Serbisë, Aleksandër Vuçiç më 18 mars në Ohër të Maqedonisë së Veriut.

Gjatë fjalës së tij, Kurti u shpreh se ka marrë garanci nga SHBA dhe BE për zbatimin e marrëveshjes me Serbinë.

Kurti nënvizoi se nëse do të ketë bashkëpunim, do të ketë lehtësira për rrugën në BE si dhe mbështetje financiare.

“Duhet të ketë njohje reciproke të dokumenteve dhe simboleve shtetërore përkatëse, duke përfshirë pasaportat, diplomat, targat dhe vulat doganore. Do të shkëmbejmë misione të përhershme, në thelb, ambasadat me një emër tjetër.

Serbia i ka pranuar të gjitha këto më sipër, kjo natyrisht është njohje de facto të vendosur në formë të shkruar dhe në një status të pakthyer tashmë sepse Bashkimi Evropian dhe Shtetete e Bashkuara të Amerikës janë garantues për përhershmërinë e saj kohore. Të gjitha këto detyrime janë në fuqi. Shtetet që bashkëpunojnë do të marrin një nxitje në procesin e tyre përkatës të prnaimit në BE dhe mbështetje financiare”, theksoi ai.

LEXONI GJITHASHTU

• Kurti për takimin në Ohër: Kemi një dokument të ri, armë e fuqishme për Kosovën
• Normalizimi i marrëdhënieve, Kurti: ‘Tuneli është ende i gjatë, por po i vjen fundi’