Kurti: Kryetarë pa zgjedhje nuk do të ketë, presioni të ushtrohet mbi Beogradin

Kryeministri i Kosovës Albin Kurti, ka folur këtë të shtunë në lidhje me tensionet në veri të Kosovës.

Kurti theksoi se kryetarët e rinj të komunave në Veri, mund të zgjidhen vetëm  pas zgjedhjeve të reja. Ai nënvizoi se kryetarë pa zgjedhje nuk mund të ketë.

“Unë e kuptoj që në zgjedhjet që janë mbajtur në veri të Kosovës ka pasur dalje shumë të ulët dhe legjitimiteti është i vakët, mirëpo këta kanë pak legjitimitet e ata të tjerët kanë aspak legjitimitet. Prandaj, pas zgjedhjeve të reja mund të ketë kryetarë të rinj, e nuk mund të ketë kryetarë pa zgjedhje të reja dhe zyrat e ndërtesat e komunave në Leposaviq, Zveçan e Zubin Potok janë asete të Kosovës”, tha Kurti.

Kurti theksoi se presioni ndërkombëtar duhet të shtrihet mbi Serbinë, e cila nuk distacohet nga krimet e Millosheviçit dhe jo mbi Kosovën.

“Gjithcka është duke shkuar drejt normalizimit dhe kjo do të mund të bëhej edhe më shpejt po të mos ishin obstruksionet e Beogradit.

“Për t’u bërë normalizimi, adresa ku duhet të bëhet trysnia nuk është Prishtina që është kryeqyteti i shtetit më demokratik e policinë më profesionale në Ballkan, por është Beogradi i cili duke mos u distancuar nga krimet e Millosheviçit”, tha Kurti.

LEXO GJITHASHTU:

• Borrell thirrje për çtensionimin e situatës, kërkon themelimin e Asocacionit
• Borrell thirrje për çtensionimin e situatës, kërkon themelimin e Asocacionit