Kurti: Nëse Serbia kalon pandëshkuar, do ta përsërisë krimin

Kryeministri i Kosovës, Albin Kurti i ka bërë thirrje Kuvendit të Kosovës për sanksionim dhe ndëshkim të Serbisë nga faktori ndërkombëtar për sulmin ndaj Policisë së Kosovës në Banjskë të Zveçanit më 24 shtator.

“Nëse kalon e pandëshkuar, atëherë Serbia do ta përsërisë krimin”, me këo fjalë i ëshë drejtuar kryeministri i Kosovës, deputetëve në sallën e parlmentit, por dhe gjithë komunitetit ndërkombëtar.

Në fjalën e mbajtur gjatë seancës plenare të kësaj të enjteje, Kurti, bëri thirrje që organizatat Mbrojtja Civile dhe Brigada e Veriut të shpallen organizata terroriste nga shtetet partnere të Kosovës.

Kurti falenderoi të gjitha shtetet që e kanë dënuar sulmin ndaj Policisë së Kosovës dhe për mbështetjen e ofruar.

“Lufta kundër krimit e terrorit të sponsoruar nga Serbia vazhdon, dhe ajo do të përfundojë doemos me fitoren e shtetit tonë të pavarur”, tha Kurti.

Kuvendi i Kosovës ra dakord që të hartojë një projekt-rezolutë për dënim të sulmeve që kanë ndodhur ndaj Policisë së Kosovës më 24 shtator.

Shefja e grupit parlamentar të partisë në pushtet, Lëvizjes Vetëvendosje, Mimoza Kusari – Lila, ka bërë thirrje për unitet politik, në këtë periudhë kur, sipas saj, është duke u sfiduar integriteti territorial i Kosovës.

“E diela që lamë pas shpërfaqi një sulm të organizuar dhe të dirigjuar direkt nga Beogradi, për të ndezur zjarrin e një konflikti të ri në Kosovë. Asnjë fakt nuk çon në ndonjë përfundim tjetër”, ka thën ajo.

LEXONI GJITHASHTU:

• Vuçiç mbron terroristët: Radoiçiç është një luftëtar për liri
• Rama: Qëndrimi i Shqipërisë i qartë, BE të dënojë me zë të lartë vrasjen e policit
• Rama: Dialogu Kosovë-Serbi të ngrihet në nivelin e një konference ndërkombëtare