Kurti: Nesër betohen kryetarët e 3 komunave të tjera në Veri

Kryeministri i Kosovës, Albin Kurti konfirmoi se nesër në ndërtesa publike do të mbahen seancat konstituive për betimin e kryetarëve të rinj të komunës së Zveçanit, Zubin Potokut dhe Leposaviqit.

Kurti, në fjalën hyrëse të mbledhjes së Qeverisë së Kosovës tha se nuk është normale që prej 6 muajsh këto komuna kanë mbetur pa kryetar, por edhe qytetarët pa shërbime komunale.

Shefi i ekzekutivit kosovar deklaroi se veprimet e tyre kanë në qendër funksionalizimin demokratik të institucioneve shtetërore dhe garantimin e shërbimeve publike për të gjithë qytetarët pa dallim.

“Nesër në ndërtesa publike në këto komuna do të mbahen seancat konstituive dhe betimi i tre kryetarëve të rinj të Zveçanit, Zubin Potokut dhe Leposaviqit. Kanë kaluar mbi 6 muaj prej kur këto katër komuna mbeten pa kryetar, dy prej tyre edhe pa Kuvende, e banorët atje pa shërbime komunale, kjo nuk është normale, veprimet tona kanë në qendër funksionalizimin demokratik të institucioneve shtetërore dhe garantimin e shërbimeve publike për të gjithë qytetarët pa dallim”, tha Kurti.

LEXONI GJITHASHTU:

• KFOR-i britanik zgjat mandatin në Kosovë
• Ministrat e jashtëm të BE takohen në Bruksel, fokus te dialogu Kosovë-Serbi