Kurti: Politikat feministe po e përparojnë demokracinë
Kryeministri i Kosovës, Albin Kurti, tha se Qeveria që ai udhëheq përkrah politika feministe barazimtare, pasi sipas tij politika të tilla po e përparojnë demokracinë ngado.
Më 8 mars, në Ditën Ndërkombëtare të Gruas, Kurti tha se ekzekutivi ka marrë masa për të përmirësuar jetën e grave dhe vajzave duke u ofruar atyre shtesa, grante, bursa, vaksina e përkrahje tjetër.
“Politikat feministe po e ruajnë dhe po e përparojnë demokracinë ngado sot. Ato e kanë fituar luftën politike sepse tashmë nuk ka dyshime më se këto të dyja mund të ecin vetëm bashkë. Ky është edhe shteti për të cilin punojmë për çdo ditë, demokrat po, por edhe feminist gjithsesi”, tha Kurti gjatë një konference të organizuar nga Agjencia për Barazi Gjinore për nder të 8 marsit.
Kryeministri kosovar tha se fuqizimi i pozitës së grave në shoqëri, e veçmas “forcimi i pozitës ekonomike të saj, janë ndër ndryshimet thelbësore që Qeveria jonë ka shtyrë përpara që nga fillimi i mandatit”.
Sipas të dhënave të Agjencisë së Statistikave të Kosovës ka një hendek të madh sa i përket punësimit të grave dhe burrave. Të dhënat e tremujorit të parë të vitit 2023, flasin për vetëm 18.5 për qind të grave në moshë pune të punësuar, krahasuar me 51.5 për qind të burrave të punësuar.
Rama intervistë për Al Jazeera: Qeveria nuk po shet vendin, projekti do realizohet
Protestat kundër projektit në Zvërnec, reagon senatori demokrat Bernie Sanders: Shikoni oligarkinë globale në Shqipëri
Tensione në protestë, gazetari tregon se cilave parti u përkisnin disa nga pjesëmarrësit
- 10:00 Të tjera sulme në Ukrainë vrasin tre civilë dhe plagosin dhjetëra të tjerë
- 09:58 Plagosja e të riut 2 ditë më parë në Vlorë, arrestohet autori gjatë operacionit për goditjen e bandës kriminale
- 09:50 Ministri i Jashtëm Hoxha, reagon për zgjedhjet në Kosovë: Urime Kosovës për zgjedhjet, presim bashkëpunim të ngushtë
- 09:49 BBC: Mbi 300 emigrantë kurdë u rrëmbyen dhe u torturuan në Libi
- 09:46 Franca dhe Gjermania braktisin projektin e përbashkët të avionëve luftarakë, pasi kompanitë nuk arrijnë marrëveshje
- 09:46 Operacion kundër krimit të organizuar në Kosovë, ndërhyjnë Europol dhe vende të BE-së