Kurti pret ministrin e Mbrojtjes së Shqipërisë, Vëngu: Investojmë për sigurinë

Ministri i Mbrojtjes, Pirro Vëngu zhvilloi këtë të premte një vizitë zyrtare në Prishtinë, ku u prit nga kryeministri i Kosovës, Albin Kurti.

Gjatë takimit mes kreut të ekzekutivit të Kosovës dhe ministrit të mbrojtjes Vëngu, u diskutua për forcimin e bashkëpunimit në rrafshin e mbrojtjes, stabilitetin rajonal dhe ndërveprimin e domosdoshëm me aleatët tanë për një konsolidim të subjektivitetit ndërkombëtar të Kosovës.

Në një postim në rrjetet sociale, ministri shqiptar i Mbrojtjes, u shpreh se gjatë kësaj vizite në Kosovë, u vu theksi te rëndësia që ka investimi në mjete dhe kapital njerëzor, si një kontribut për rritjen e sigurisë kolektive.

Kjo është vizita e parë zyrtare jashtë vendit e ministri të mbrojtjes Pirro Vëngu që pas marrjes së detyrës në fund të korrikut.

Vizita vjen edhe në një moment kur klima mes qeverisë shqiptare dhe asaj të Kosovës nuk është në momentet më të mira.

LEXONI GJITHASHTU:

• “Kosova po bën lëvizje të njëanshme”- Kurti i përgjigjet deklaratave të Macron
• Serbia nënshkruan marrëveshjen 2.7 mld euro me Francën për blerjen e avionëve Rafale
• Vuçiç përshëndet Macron në Beograd: Franca, një vend tek i cili mbështetemi