Kurti reagon pas lirimit të 3 policëve: Agresioni serb duhet të mbajë përgjegjësi

Kryeministri i Kosovës Albin Kurti ka konfirmuar lajmin e arrestimit të tre policëve në Veri të Kosovës.

Përmes një postimi në Twitter Kurti thotë se rrëmbim i tyre konsiston në një shkelje të rëndë të të drejtave të njeriut për të cilën Serbia duhet të mbajë përgjegjësi.

“Konfirmojmë se 3 policët e rrëmbyer janë liruar. Edhe pse jemi të gëzuar që ata kthehen në familjet e tyre, ky rrëmbim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, shkruan Kurti.

We confirm that the 3 kidnapped police officers have been released. Even though we are joyous that they get to return to their families, this abduction consists of a serious human rights violation & must be reprimanded. The Serbian aggression must be held accountable.

— Albin Kurti (@albinkurti) June 26, 2023

Drejtësia në Serbi i ngarkoi tre policët me veprën penale: prodhim, posedim, mbajtje dhe trafikim të paligjshëm të armëve dhe lëndëve plasëse, e cila bart dënim me burg deri në 12 vjet.

Atyre iu shqiptua masa e paraburgimit më 16 qershor, por nuk ishte e qartë kohëzgjatja e saj.

Arrestimi i tyre nxiti reagime të shumta si në Kosovë, ashtu edhe te bashkësia ndërkombëtare, e cila kërkoi vazhdimisht lirimin e tyre.

Qeveria e Kosovës pretendoi se ata janë arrestuar në territorin e saj, por në Serbi e mohuan këtë.

LEXONI GJITHASHTU:

• Lirohen 3 policët e arrestuar në Veri në Kosovës
• Vuçiç: Kemi prova për 3 policët e Kosovës, nuk shpëtojnë pa aktakuzë