Kurti takohet sot me Lajçakun në Prishtinë

Kryeministri i Kosovës, Albin Kurti do të zhvillojë një takim këtë të martë me të dërguan special të Bashkimit Evropian për dialogun Prishtinë-Beograd, Miroslav Lajçak.

Sipas një njoftimi të qeverisë së Kosovës, takimi do të nisë në orën 09:00 në Prishtinë.

Vizita e Lajçakut në Kosovë do të zhvillohet një ditë pasi zyrtari i lartë i BE-së qëndroi në Beograd, ku u takua me presidentin e Serbisë, Aleksandër Vuçiç.

Lajçak tha se me Vuçiçin diskutoi për normalizimin e raporteve midis Kosovës dhe Serbisë, por edhe për tema të tjera, përfshirë edhe kthimin e serbëve në institucionet në veri.

Ndërkaq, Vuçiç deklaroi se me Lajçakun foli për dialogun që ndërmjetësohet nga BE-ja, por edhe për problemet me të cilat po përballen serbët e Kosovës “për shkak të lëvizjeve të njëanshme dhe jolegjitime të Prishtinës”.

LEXONI GJITHASHTU

• Michel: Po bëhet përparim në liberalizimin e vizave për Kosovën
• Kurti: Kosova do të aplikojë në BE gjatë këtij muaji
• Akuzat e Molliqajt: Si presidentja Osmani po kërkon komb kosovar dhe jo shqiptar